urdu hai jis ka nam

ابھی تو آنسوؤں سے دھو رہا ہوں میں گناہوں کو
نمازوں تک نہیں پہنچا ابھی تک میں وضو میں ہوں

میں ہوں ایسا مصور تشنگی جس پر مسلط ہے
جہاں صحرا بناتا ہوں وہاں دریا بنا تا ہوں

کوئی نہیں تھا اپنے مقابل بھی میں ہی تھا

شائد کہ اپنی راہ میں حائل بھی میں ہی تھا

اپنے ہی گرد میں نے کیا عمر بھر سفر

بھٹکایا جس نے مجھ کو وہ منزل بھی میں ہی تھا

ابھرا ہوں جس سے بارہا مجھ میں تھے سب بھنور

ڈوبا جہاں پہنچ کے وہ ساحل بھی میں ہی تھا

آساں نہیں تھا سازشیں کرنا میرے  خلاف

جب اپنی آرزؤں کا قاتل بھی میں ہی تھا

شب بھر ہر اک خیال مخاطب مجھی سے تھا

تنہایوں میں رونق محفل بھی میں ہی تھا

دنیا سے بے نیازی بھی فطرت میری ہیتھی

دنیا کے رنج و درد میں شامل بھی میں ہی تھا

مجھ کو سمجھ نہ پائی کبھی میری زندگی

آسانیاں مجھی سے تھیں ،مشکل بھی میں ہی تھا

مجھ میں تھا خیر و شر کا عجب امتزاج شاد

میں خود ہی حق پرست تھا باطل بھی میں ہی تھا